Биыл реттеуші қор активтерінің жаңа мақсатты құрылымына көшуді көздеп отыр. Акциялар мен баламалы құралдардың үлесі артады, бұл жалпы кірістілікті арттыруға тиіс.
Ұлттық банк сондай-ақ қазақстандық экономиканың жоғары технологиялық салаларына 1 млрд долларға дейін инвестиция салу бағдарламасын дайындады. Сүлейменовтің сөзіне қарағанда, бұл қор қаражатын жаңа секторларға бағыттауға мүмкіндік береді.
Крипторезерв және әртараптандыру
Қазақстан ұлттық стратегиялық крипторезервті алғашқылардың бірі болып іске қосты. Оған инвестицияның мақсатты көлемі 1 млрд долларды құрайды.
Бұған дейін Жоғары аудиторлық палатаның төрағасы Алихан Смайылов үкіметке Ұлттық қор қаражатын пайдалану бойынша ұсыныстар берген болатын.
2025 жылдың қорытындысы бойынша қордың кірістілігі 8,7 млрд долларды құрады.