Орта есеппен жыл ішінде бұл тауарлардың бағасы 2,9%-ға өсті. 2026 жылдың басынан бері өсім 1,9%-ды құрады, ал шілденің бірінші аптасында өзгеріс болған жоқ — индекс 100% деңгейінде қалды.
Салыстыру үшін, 2025 жылғы 8 шілдеде әлеуметтік маңызы бар өнімдердің жылдық баға өсімі 9,3%-ға жеткен.
Жекелеген тауарлар бойынша динамика
Бағалар ет және сүт өнімдері бойынша айтарлықтай өзгерді. 2026 жылғы шілдеде сүйекті сиыр еті орташа есеппен килограммы 3769 теңгеден сатылды, ал бір жыл бұрын 2979 теңге болған. Тауық еті 1423 теңгеден 1740 теңгеге, сүт 417 теңгеден 664 теңгеге, айран 456 теңгеден 607 теңгеге қымбаттады.
Бакалея тауарларының ішінде бірінші сортты бидай ұнының бағасы килограммы 222 теңгеден 254 теңгеге, бірінші сортты бидай ұнынан пісірілген нан 208 теңгеден 229 теңгеге, күнбағыс майы 814 теңгеден 893 теңгеге, қант-құм 430 теңгеден 450 теңгеге өсті.
Көкөністердің бағасы баяу өсті: картоп килограммы 279 теңгеден 286 теңгеге, сәбіз 268 теңгеден 271 теңгеге, ақ қырыққабат 187 теңгеден 196 теңгеге қымбаттады.
Кейбір позициялар бойынша баға төмендеді немесе өсім баяулады. 2026 жылғы шілдеде бірінші санатты он жұмыртқа 563 теңге, күріш килограммы 533 теңге, қарақұмық жармасы 412 теңге тұрды.
Апта ішіндегі және өңірлер бойынша өзгерістер
2026 жылғы 1-8 шілде аралығында қырыққабат, картоп, қант, ұн, макарон, сүт өнімдері және майлар қымбаттады. Жұмыртқа, сиыр еті, қызанақ және қияр арзандады.
Өнімдердің құны өңірлерде әр түрлі. 2025 жылғы шілдеде ең қымбат нан Алматыда — 273 теңге, ең арзаны Таразда (198 теңге) сатылды. Сиыр еті ең қымбат Ақтауда (килограммы 3288 теңге), ең арзаны Түркістанда (2654 теңге) болды. Картоптың ең жоғары бағасы Жезқазғанда (371 теңге), ең төменгі бағасы Түркістанда (211 теңге) тіркелді.